बंदोबस्ताला आलेल्या पोलीस कर्मचाऱ्याचं टोकाचं पाऊल स्वत:च्या रिवाल्वरमधून गोळी झाडली
विठूरायाच्या पंढरीत खळबळ
पंढरपूर प्रतिनिधी,
यंदाच्या देवशयनी आषाढी एकादशीनिमित्त पंढरपूरमध्ये भक्तीचा महापूर दिसत आहे. अशातच पंढरपूरमधून एक धक्कादायक बातमी समोर आली आहे. बंदोबस्तासाठी आलेल्या राज्य राखीव पोलीस दलातील एका पोलीस कर्मचाऱ्याने आत्महत्या केल्यामुळे एकच खळबळ उडाली.या पोलिसाने गोळी झाडून आयुष्य संपवलं. कामाच्या तणावातून या पोलिसाने आत्महत्या केल्याची प्राथमिक माहिती समोर आली आहे.
आज पहाटेच्या सुमारास या पोलिसाने स्वत:च्या डोक्यात गोळी झाडून घेतली. या घटनेत त्याचा जागीच मृत्यू झाला. सध्या पोलिस या प्रकरणाचा तपास करत आहेत.मिळालेल्या माहितीनुसार, पंढरपुरमध्ये आषाढी यात्रेच्या बंदोबस्तासाठी आलेल्या एका राज्य राखीव पोलीस दलाच्या जवानाने आत्महत्या केली. डोक्यात गोळी झाडून घेत या पोलिसाने स्वत:चं आयुष्य संपवलं. पंढरपुरमध्ये मुक्कामाच्या ठिकाणी पोलिसाने हे टोकाचं पाऊल उचललं. या घटनेनं संपूर्ण पोलीस दलात एकच खळबळ उडाली.
कामाच्या तणावातून जवानानं आत्महत्या केली असावी असा प्राथमिक अंदाज व्यक्त केला जात आहे. रामेश्वर ध्रुपद साबणे असं या पोलीस कर्मचाऱ्याचं नाव आहे. ते मूळचे परभणीच्या गंगाखेड येथील रहिवासी आहेत.चौकट स्वतःच्या रिवाल्वरमधून गोळी झाडलीही दुर्दैवी घटना आज पहाटे अडीच वाजताच्या सुमारास कासेगाव रोडवरील मुक्कामाच्या ठिकाणी घडली आहे. रामेश्वर साबणे हे छत्रपती संभाजीनगर येथे एसआरपीमध्ये जवान म्हणून कार्यरत होते. आषाढी यात्रेनिमित्ताने ते तीन ते चार दिवसांपासून पंढरपूर येथे बंदोबस्तासाठी आले होते. दरम्यान, आज पहाटेच्या सुमारास त्यांनी आपल्या मुक्कामाच्या ठिकाणी स्वतःच्या रिवाल्वरमधून डोक्यात गोळी झाडून आत्महत्या केली. याबाबत स्थानिक पोलिसांकडून कसून तपास सुरू आहे.
More Stories
संतानी पर्यावरण पूरक जीवनाचा संदेश दिला-मुख्यमंत्री देवेंद्र फडणवीस
आषाढी वारीत प्रथमच एअर ॲम्ब्युलन्स सेवा
वारकऱ्यांच्या चरणसेवेच्या माध्यमातून भारताच्या युवा शक्तीचे दर्शन- मुख्यमंत्री देवेंद्र फडणवीस