गादेगाव येथील परिवाराचे झेडपी च्या मैदानात उतरण्याचे स्पष्ट संकेत..

गादेगाव येथील परिवाराचे झेडपी च्या मैदानात उतरण्याचे स्पष्ट संकेत..

वाखरी गटातील निवडुन येण्याचा जुना अनुभव ठरणार फायदेशीर..

पंढरपूर प्रतिनिधी,

पंढरपूर तालुक्यातील महत्वाचं मानलं गेलेल्य गादेगाव येथील बागल परिवार हे पंढरपूर तालुक्यातील एक प्रतिष्ठित असे मानले जाते.. त्यांचे स्वतःचे वेगळे अस्तित्व आहे..

स्वतःची स्वतंत्र ताकद निर्माण करून त्यांनी आपल्या मेहनतीने आणि कष्टाने राजकारणात व उद्योगात क्षेत्रात एक वेगळी ओळख निर्माण केली आहे तसेच या परिवाराने गेले अनेक वर्षांपासुन सहकार व राजकीय पदे भुषवली आहे,

विष्णुभाऊ बागल यांनी पंचायत समिती निवडणुकीत याच वाखरी गटातून निवडणूक लढवली व निवडून येत पहिल्यांच टर्ममध्ये सलग पाच वर्ष पंचायत समितीचे उपसभापती पद भुषवले त्यांचेच लहान बंधू सुर्यकांत दाजी बागल यांचे देखील तालुक्याच्या राजकारणात जुने नाव आहे, कित्येक वर्षे त्यांनी पंढरपूर तालुक्यातील महत्वाची संस्था असलेल्या विठ्ठल सहकारी साखर कारखान्याचे संचालक म्हणून काम केले आहे,तोच वारसा आता पुढे त्यांचे पुतणे व विष्णुभाऊ बागल यांचे सुपुत्र स्वाभिमानी शेतकरी संघटनेचे जिल्हाध्यक्ष तानाजी बागल हे सध्या संचालक पदावर कार्यरत आहेत..

त्याच बरोबर संतोष सुर्यकांत बागल हे देखील आपल्या उद्योग क्षेत्रातील उत्तम कामामुळे परिचित ठरले आहेत. गादेगाव ग्रामपंचायत देखील या दोन बंधुंच्याच ताब्यात आहे,

तसेच त्यांच्याच कुटुंबातील रणजित बागल हे ठाकरेंच्या शिवसेनेत राज्याचे युवासेनेचे उपसचिव पदाची मोठी जबाबदारी आपल्या आक्रमक वक्तृत्वाच्या जोरावर जोरदारपणे पार पाडत आहेत, या सर्व बाबींमुळेच दररोज असंख्य लोकांशी संपर्क असल्याने आणि सोबत तालुक्यातील वरिष्ठ नेत्यांशी असलेले सख्य यांच्या जोरावर यंदा निवडणुकीत उतरण्याची शक्यता आहे.

तसे पाहायला गेले तर टाकळी जिल्हा परिषद गट व वाखरी जिल्हा परिषद गट या दोन्ही गटामध्ये बागल परिवाराचा जनसंपर्क मोठ्या प्रमाणात आहे,मात्र टाकळी जिल्हा परिषद गटासाठी राखीव आरक्षण जाहीर झाल्याने आता आपल्या या आधीच्याच वाखरी जिल्हा परिषद गटातुन निवडणूक लढवण्याची चाचपणी या परिवाराने सुरू केली आहे, परिवारातील सदस्यांचे या गटातील असलेले ऋणानुबंध व सर्व क्षेत्रातील भरीव योगदान ही या परिवारासाठी निश्चितच जमेची बाजू ठरणार आहे..